DONNA brendi Maison&Objet 2023 qış sərgisində ukraynalı dizayner və istehsalçıların stendində ağ rəngli RAFT divanını təqdim etdi. Məhz bu divan Ukraynanın MOM stendində qonaqlarla mehriban görüş yeri oldu. Bundan əlavə, ağ rəngli RAFT divanı dizayner-memar Oksana Şumelda tərəfindən yaradılmış üsluba və ssenoqrafiyaya ən çox uyğun gəlirdi.
Ziyarətçilərin diqqətini Ukraynada müharibə illərində yaradılmış bütün bu dizayn və texnologiyaya cəlb etmək üçün Oksana Şumelda stendin konsepsiyasını “L’art de la résilience” kimi təsvir etmişdir. Bu isə, fransız dilində “Dayanıqlılıq sənəti” deməkdir.
Ukrayna stendi bu il Maison&Objet sərgisində səmimi görüş yerinə çevrildi. Müharibə dövründə müvəqqəti olaraq Avropaya köçmüş ukraynalı qadın memarlar öz doğma vətənlərində cəsarətlə fəaliyyətlərini davam etdirən və ölkə iqtisadiyyatını çiyinlərində daşıyan istehsalçılarla görüşmək üçün L’art de la résilience məkanına gəldilər.
İnanılmaz birlik və dəstək mühiti. Yaradıcı, şən, qalib əhval-ruhiyyəsi. Bütün bu təəssüratlar və Ukraynada baş verən hadisələr stenddə nümayiş olunan hər bir əşyaya xüsusi məna qazandırırdı.
Həmin anda stenddəki bütün obyektlər Ukrayna dizaynının flaqmanlarına çevrilmişdi. Onlar sərginin bütün qonaqları: avropalılar, amerikalılar, yaponlar arasında ajiotaja səbəb oldular, çünki dizayn hər kəsin anladığı dildə danışır.
Maison&Objet sərgisindən dərhal sonra RAFT divanı Ukrayna interyer elementlərinin bir həftəlik sərgisi üçün Parisin LE BHV MARAIS univermağına göndərildi. Bir həftə sonra isə, o, Salone del Mobile sərgisini gözləmək üçün Milanda anbara göndərildi. SUMİNAGASHİ masaları Niderlandda Ukrayna dizaynerlərinin və istehsalçılarının Nothingbasic.com mağazasına təqdim edildi.
